9/03/2006

Halad Sa Dalagang Nagsul-ob Og iPod

Nagbanda-banda ang mga bosina. Maka-igking
ang haguros sa hanging gi-anoos, ug gaaso-aso
ang taghoy (Wala kaha napaksit ang dila
sa konduktor, nagkumbitay sa jeep nga
pinakadlit ang pag-utnga?) Nagsidlit sab
ang sitsit sa mga stambay, naglaway samtang

naglutaw ang imong mga lakang sumpay sa kutay
sa kuryente lahos sa kinalawman nimong atuli.


Nagpangab-ot nimo ang abogon nga huni gikan
sa makalilimos nga buta; iyang gitara giagup-op
sa mga harana nga haom na karon iduyog
sa purlon. Bisan pa’g iyang idalit makabuhi’g
patay, gipaambit nilang Yoyoy ug Max sukad pa
sa panahon sa jukebox— wala na, wala na

nagkitiw ang imong mga tiil samtang nagdisko
ang suga sa ambulansyang’ nakasaghid nimo.



(Tipik sa hugpong sa mga balak nga nakasakmit og Unang Ganti sa Gawad Komisyon 2006 nga gipasiugdahan sa Komisyon sa Wikang Filipino)

3 comments:

tes_eyemd said...

i wish i had your command of our cebuano dialect. lisud kaayo isulat kung mag-binisaya na. if you have the time the please share with us on how to write in straight cebuano.

Michael U. Obenieta said...

Hi, tes-eyedmd! Cebuano is not a dialect, it's a language. Thanks for dropping by and for the hunger to feast on the buffet of Cebuano writing. Just keep on reading anything Bisdak, and try to unearth the buried native consciousness. The rest will just follow. Ayu-ayo! :)

Christopher Sundita said...

Maayong adlaw, Mr. Obanieta! You were interviewed in a video which I talked about in my blog. Thought that you would like to check out. It's at http://salitablog.blogspot.com

--Chris