12/17/2006

Signos

Lisod nang maapsan, layo na’g naabtan
ang mga unggoy ni Darwin. Taas kaayo
og hangin, gani motupong na sa langit
ang utong sa utok gikan sa witik
sa ikog. Apan wa’y kutas ang kahakog
sa ihalas nga nahawla sulod sa dughan,
buot makiglumba sa mga robot. Wa’y pugong
ang pagbulhot padu’ng ngadto sa katagbawan.
Nagpadayon ang prosisyon sa mga buta
samtang nagpasad sa dalan ang mga panit
sa saging. Nalamba sa hangin
ang kampana nga natay-an sa iyang bagting.
Hagbay rang ningkagiw ang mga anghel.
Lisod nang maapsan, layo na’g naabtan.


(Tipik sa hugpong sa mga balak nga nakasakmit sa Unang Ganti sa Gawad Komisyon 2006 nga gipasiugdahan sa Komisyon sa Wikang Filipino)

1 comment:

Jerome C. Herrera said...

Hello,
I am Jerome Herrera. I am the owner of Pinoy Penster Community, a website for Amateur Filipino Writers. I was wondering if we could exchange links. This will give your blog a wonderful opportunity to be exposed to our hundreds of visitors everyday. If you are interested, please email me at jeromeherrera2006@gmail.com. Pinoy Penster Community is located at http://penster.fyi.ph