11/03/2008

Kon Di Ka Mobasa, Magbasol Ra Unya Ka Inig Sugod sa Akong Kataposang Katawa










Kinsa’y nakasaksi sa baki nga niambak padulong sa buwak?
Nikisaw sa tubig ang akong kamingaw. Buot motupong nako

Ang mga balili samtang gisakdapan ko sa kahilom. Taghoy.
Sa utlanan niining linya, ang tuldok mahimong buyog.

Kon unsa ang iyang ihunghong, mahimo kining ipalanog
Pinaagi sa pagtilap sa kiting sa ting-init. Kon mopiyong ka,

Wa ka’y katungod mokutlo ug mopungpong sa mga pulong.
Kon di ka motuo nako, di pod ka magmalipayon hangtod

Sa kataposan. Bisan kon ang baki mahimong balak, di gyod
Mahimong dugos imong luha. Ulod ra nimo’y magbanha.

No comments: