3/04/2009

mutya sa monterey









Kay dili ko buta sa gitagik anang bato
nga naghulma sa dagway ni Steinbeck, natultolan
ug nahuptan nako gikan sa lapyahan sa Cannery Row
bisan ang dili na mapuslan. Tutoki

kining akong nahagdaw: pikas nga tipaka
sa imbaw. Gikubalan og gagmay nga mga kinhason,
gikutkot sa gaawas nga kaparat sa tingtaob bagnos
sa balas. Sud-onga. Kini wala gyod magupok
bisan kapila na matamaki sa gadasok

nga mga turista. Lumalabay ra ang tanan, sayod ta.
Apan dihang gipunit nako kining biniyaan sa lawod,
gihipos ilawom sa akong bulsa ug gibawon
sa akong pag-uli aron kini akong tipigan, dayag

nga bisan ang kangitngit sa kalimot nga di masukod
mag-agad ra gihapon sa akong kamot.

1 comment:

Pearl said...

Pastilan pagka nindot sa imong mga tula/balak!

I am trying to get the feel of Cebuano poetry even if I do not know all the vocabulary used. I am impressed, more so if i understand later all the hulagways used in your poems. Do you have a published collection of your poems?

Pearl Fontilla
terraces@yahoo.com